Lemoizko Armintzekoalde eta Getxoko Ereaga eta Areetako hondartzak bainurako egokiak dira berriro ere, Eusko Jaurlaritzako Osasun Saileko Osasun Publikoko Zuzendaritzak jakinarazi duenez. Ohar bidez eman dute horren berri, hareatza horietako uretan egindako azken azterketetan ez baita kutsadura fekalik aurkitu.
EAko hondartzari dagokionez, jasotako uraren laginek adierazten dute araudiak ezarritako mugetatik gorako parametro fekalak daudela oraindino; hori dela eta, bertoko uretan ez bainatzea gomendatu dute.
Datorren 72 orduetan, beste lagin bat aztertuko da EAko hondartzan, bertako uraren kalitatea ziurtatzeko. Adierazleek normaltasuna erakutsi bezain laster, uraren kalitatearen eta bainatzeko gomendioen berri emango dute arduradunek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
