Ikastaroaren ordutegia zehazteke dago oraindino eta 6 sesioz osaturik egongo da (abenduak 2, 3, 15 eta 16 eta urtarrilak 13 eta 14). Ekimenean, Sopela, Barrika, Berango, Gorliz, Leioa, Lemoiz, Plentzia eta Urdulizen erroldatutako 16 eta 29 urte bitarteko gazteek har dezakete parte.
Lehen sorospenetan trebatzeko ikastaroan izena emateko epea luzatu dute
Uribe Kosta Gazteak programak antolatutako "Lehen sorospen eta desfibriladore automatikoa" ikastaroan izena emateko epea azaroaren 25era arte luzatu dute. Eskolak abenduaren 2an hasiko dira, Sopelako Kurtzio kultur etxean, eta urtarrilaren 14ra arte iraungo dute. Leku kopurua mugatua izango da (20 plaza), beraz, parte hartu gura dutenek aldez aurretik eman beharko dute izena Gorlizko Kultur Etxean (09:00-13:30 / 16:30-20:00) edo gazteria@gorliz.net helbide elektronikoaren bitartez.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun