Ahots finak eta lirainak izan dira batzuk; ez hain gozoak besteak. Baina denak ibili dira lurra iratzarri guran, Agate Deunaren bezperan. Kontuak hala, lehiaketari edo hitzartutako dietari jarraituz abestu dute hainbat herritan, berbarako Sopelan, Getxon eta Leioan. Gainerako herrietan abestaldeak euren kasa ibili dira kalez kale.
Hainbat hitzordu
Barrika
Udaletxeko plazatik abiatu dira 09:00etan abestaldeak.
Erandio
Astrabuduko kaleetan abestu dute Trabudu Dantzari Taldeko kideek, 18:00etatik aurrera; Mendibaiarte abesbatza 19:30ean izan da, Altzagan.
Getxo
Helduen abesbatzak eta talde mistoak (helduak eta umeak) 11:00etatik 15:00etara arte jardun dira. Ohikoa den legez, bi gunetan abestu dute (Getxo-Algorta eta Itzubaltzeta/Romo-Areeta) eta, 14:00etan, batera jardun dute Algortako Telletxe eta Areetako Xake plazetan.
Gorliz
Egun osoan, Agate Deunari kantari ibili da Lirain abesbatza.
Leioa
Besteak beste, bost jarduketa gune jarri dituzte: Lamiako, Pinueta-Ibaiondo, erdigunea, San Bartolome-Artatzagana eta Kandelazubieta-Udondo. Umeen taldeek 13:00etan abestu dute, Ikea Barri plazan; eta helduen taldeek, 14:00etan, Euskal Etxeen plazan.
Plentzia
Guraso Elkarteak eta herritarrek antolatuta, Ontziola plazatik abiatu dira, 17:30ean.
Sopela
Sopelako Udalak ere kalez kale kantuan ibiltzera deitu ditu herritarrak ohitura zahar hori gal ez dadin. Aurten, bigarrenez, lehiaketa izan da. Taldeek halabeharrez agertu beharko dute ondoko lekuetan: Urgitxieta plaza, 12:00etan; udaletxeko plaza, 18:00etan; eta ondorengo tabernetan: Laiak, La Kala, Urbaso, Setien, Zeñe, eta Irubide.
