Getxon, berbarako, ibilgailuen zirkulazioa normaltasun osoz dabil orduotan kale gehienetan eta udal-zerbitzuak kaleak uragaz garbitzen ari dira, oinezkoentzat.
Getxo Kirolakek aditzera eman du arratsaldean normaltasunez izango direla ikastaroak, baten bat edo entrenamenduren bat izan ezik. Bestalde, Andres Isasi Musika Eskolak ere normaltasuna berreskuratu du arrastiko 15:00etan, Areetako zein Algortako egoitzetan.
Bestalde, udalerriko igogailu bertikal eta inklinatu guztiak funtzionamenduan daude eta Salsiduko eta Bidezabalgo arrapalak garbitzen ari dira, ahalik eta lasterren martxan jartzeko, elur guztia kendu eta bere funtzionamendua aztertu ondoren. TAO zerbitzua 16:00etatik aurrera dago indarrean berriro.
Udaltzaingoaren arabera, goizean zehar ez da erorketa larririk izan Getxo udalerrian.
Leioako EHUren campusak ere eskolak berreskuratu ditu, 15:00etara arte horiek denak bertan behera utzi ondoren.
Goizeko irudiak, argazki-galerian:
![[ARGAZKI-GALERIA] Elurrez beteta esnatu da Uribe Kosta](https://hiruka.tok-md.com/argazkiak/bQc/cache/_MG_5083_tokikom_735x413.JPG)
