Kultura  Getxo  Leioa  Uribe Kosta 2018-04-23 11:26

Peru Vidalek irabazi du Bizkaiko Bertsolari Txapelketaren Ondarroako goizeko saioa

Bizkaiko Bertsolari Txapelketaren Udabarriko Fasea apirilaren 14an hasi zen, eta atzo, hilaren 22an, laugarren saioko kanporaketa bi jokatu ziren, Ondarroan. Peru Vidal Gurrutxaga leioaztarra izan zen goizeko saioaren irabazlea; arrastikoa, aldiz, Abadiñoko Txaber Altube Sarrionandiak irabazi zuen.

Peru Vidalek irabazi du Bizkaiko Bertsolari Txapelketaren Ondarroako goizeko saioa
Peru Vidal leioaztarrak lortu zituen puntu gehien goizeko kanporaketan. ©BIZKAIKO BERTSOZALE ELKARTEA | Ikusi handiago | Argazki originala

Ondarroako saio biak gaztetxean jokatu ziren, 12:00etan eta 17:30ean, hurrenez hurren. Peru Vidal leioaztarrak lortu zituen puntu gehien goizeko kanporaketan: 179,5 puntu. Arrate Illaro Etxebarria eta Unai Mendiburu Valor getxoztarrek bigarren eta laugarren postuan lotu ziren, 178,5 eta 165 puntugaz, hurrenez hurren.

Arrastiko saioan, aldiz, Txaber Altube abadiñoarra izan zen irabazlea, 185,50 puntugaz; bigarren postua Inazio Vidal Gurrutxaga leioaztarrarentzat izan zen, 172 puntu lortu ondoren.

Hurrengo saioa zapatuan, apirilaren 28an, jokatuko da, Gautegiz-Arteagako kultur etxean. Itxaso Paia Ruiz eta Maider Barañano Uribarri getxoztarrak egongo dira bertsolarien artean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa