Familiek euskararekiko hartu dituzten konpromisoak ospatzeko, Euskararen Kriseilua ekimenaren jaialdia egingo dute Urdulizko Kultur Etxe ondoan, ekainaren 15ean, 17:30ean.
Udaberrian Uribe Kostako Mankomunitateko Euskara Zerbitzuak abian ipinitako egitasmoa da Euskararen Kriseilua, eta eskualdeko sei ikastetxek parte hartu dute. Egitasmoaren dinamizazioa eta antolakuntza Euskaltzaleen Topaguneko kideen eskuetan dago.
Antolatzaileek adierazi dutenez, "Euskararen Kriseilua etxez etxe doan sua da; aldatu ahala euskararen garra piztuta izateko ardura partekatu nahi dugu. Sua zaintzeaz gain, familiek beren hizkuntza ohiturak aztertzen dituzte".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!