Martxan dago dena. Bilboko Kafe Antzokian batu ziren atzo iluntzean bertsolariak, gai-jartzaileak, epaileak, talde antolatzaileko kideak, bertsozaleak... bakoitza eurera baina taldera begira dabiltza beharrean. Laster hasiko da Bizkaiko Bertsolari Txapelketa 2018, eta ordurako dena prest uzteko buru belarri dailtza.
Oholtza handia prest zegoen Bilboko Kafe Antzokian. Jaiari hasiera emateko, Igor Menika eta Jone Larrinaga dantzariek oinak dantzan ipini zituzten txapelketaren sintonia dantzatuz.
Herri eta Bixi bikote biziak publikoan zeuden denak barrez jarri zituzten. Txapelketari buruzko xehetasun guztiak eman zituzten, eta saioz saio lanean ariko direnen beharra eskertu zuten.
Bestalde, Maite Berriozabal gai-jartzaileak txapelketarako idatzi duen mezua irakurri zuen: "Gozatzea baino ez da geratzen, ekosistemak badaki erregulatzen. Hartu daigun bakoitzak gure lekua eta hasi daitela txapelketa".
