Bizkaiko Bertsolari Txapelketa 2018

Gernika-Lumon jokatuko da Bizkaiko Bertsolari Txapelketako lehenengo kanporaketa

Iker Rincon Moreno 2018ko urr. 2a, 12:03
Deskargatu Info Ahotsak :
es en fr

Udagoieneko lehenengo saioa urriaren 6an jokatuko da Gernika-Lumoko Lizeo Antzokian, 17:00etatik aurrera; sarrerak salgai daude Interneten eta txarteldegian ere eskuratu ahal izango dira zapatuan, 16:00etatik aurrera. Kanporaketa horretan, Imanol Uria algortarrak eta Paule Ixiar Loizaga sopeloztarrak parte hartuko dute.

Urriaren 6an hasiko da Bizkaiko Bertsolari Txapelketa 2018ko udagoieneko fasea. Gernika-Lumon jokatuko da lehenengo saioa, Lizeo Antzokian, 17:00etatik aurrera. Lehenengo kanporaketa jokatuko duten bertsolariak, hurrengoak izango dira: Asier Galarza Garai (Muxika), Garikoitz Sarriugarte Onaindia (Zaldibar), Imanol Uria Albizuri (Algorta), Ion Barrocal Besga (Trapagaran), Julen Erezuma Arzanegi (Gernika-Lumo) eta Paule Ixiar Loizaga Legarra (Sopela)

Saioaren irabazlea zuzenean sailkatuko da finalaurrekoetara, eta besteek, puntuazioaren arabera edukiko dute horretarako aukera.
 
Saioan gaiak ematen Maite Berriozabal Berrizbeitia egongo da. Epaimahaiko kideak, hurrengoak izango dira: Alaitz Etxanobe Bereziartua, Ander Txakartegi Basterretxea, Jon Jaio Aiartzaguena, Leire Etxebarria Gaztelu eta Miriam Juaristi Urizar. Idazkari beharretan Itziar Basterretxea Olarreaga arituko da.

Kanporaketetako fasean bertsolariek egin beharreko lanak hauek izango dira:

  • Zortziko nagusian ofiziotan hiruna bertso
  • Zortziko txikian ofiziotan hiruna bertso
  • Puntua emanda bertso bi zortziko txikian
  • Hamarreko txikian ofiziotan hiruna bertso
  • Bakarkako lana: gai bati buruz bertso bi, doinu eta neurri librean

Kanporaketa fasearen ostean finalaurrekoak jokatuko dira, eta azkenik, abenduaren 15ean jokatuko da finala.

Hurrengo saioa

Bizkaiko Bertsolari Txapelketaren hurrengo kanporaketa urriaren 14an jokatuko da Santurtzin, Serantes Kutur Aretoan, 17:00etan.

Kantatuko duten bertsolariak, hurrengoak izango dira: Arrate Illaro Etxebarria (Getxo), Ekaitz Larrazabal Gutierrez "Katxo" (Algorta), Eneko Abasolo Txabarri "Abarkas" (Iurreta), Imanol Arrutia Azkueta (Artzentales), Iñaki Iturriotz Zuluaga (Igorre) eta Malen Amenabar Larrañaga (Larrabetzu).

Informazio gehiago

  • Sare sozialetan:
      • Facebook: Bizkaiko Bertsozale Elkartea
      • Twitter: @bbertsozale / #bbt18
      • Instagram: Bizkaiko Bertsozale Elkartea
Kultura Getxo Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun