Kultura  Getxo  Uribe Kosta 2018-10-08 09:41

Imanol Uriak irabazi du Bizkaiko Bertsolari Txapelketako lehenengo kanporaketa

Finalaurrekoetarako txartela lortu du algortarrak; Gernika-Lumoko Lizeo Antzokia bertsozalez bete zen atzo arrastian, udagoieneko lehenengo kanporaketan.

Imanol Uriak irabazi du Bizkaiko Bertsolari Txapelketako lehenengo kanporaketa
Imanol Uria kantatzen domekako kanporaketan. © BERTSOZALE | Ikusi handiago | Argazki originala

Bizkaiko Bertsolari Txapelketaren udagoieneko faseko lehenengo kanporaketa izan zen atzo, Gernika-Lumoko Lizeo Antzokian, eta 200 bertsozaletik gora elkartu ziren bertan. Atzoko kanporaketan hurrengo bertsolariek parte hartu zuten: Asier Galarza Garai (Muxika), Garikoitz Sarriugarte Onaindia (Zaldibar), Imanol Uria Albizuri (Algorta), Ion Barrocal Besga (Trapagaran), Julen Erezuma Arzanegi (Gernika-Lumo) eta Paule Ixiar Loizaga Legarra (Sopela).

Ariketa denak egin ostean, Imanol Uriak lortu du puntu gehien batzea: 451,5 puntu. Hala, finalaurrekoetarako txartela lortu du algortarrak, eta Berrizko finalaurrekoan kantatuko du azaroaren 18an. Besteak puntuazioen zain geldituko dira.

Horrela gelditu ziren atzoko puntuazioak:

  • Imanol Uria Albizuri 451,5
  • Julen Erezuma Arzanegi 449
  • Asier Galarza Garai 448,5
  • Garikoitz Sarriugarte Onaindia 439
  • Paule Ixiar Loizaga Legarra 414
  • Ion Barrocal Besga 382,5

Hurrengo kanporaketa urriaren 14an, domekan, jokatuko da Santurtzin, Serantes kultur aretoan, 17:00etan.

Horretan kantatuko duten bertsolariak hurrengoak izango dira:

  • Arrate Illaro Etxebarria (Getxo)
  • Ekaitz Larrazabal Gutierrez 'Katxo' (Algorta)
  • Eneko Abasolo Txabarri 'Abarkas' (Iurreta)
  • Imanol Arrutia Azkueta (Artzentales)
  • Iñaki Iturriotz Zuluaga (Igorre)
  • Malen Amenabar Larrañaga (Larrabetzu)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa