Politika  Uribe Kosta 2019-02-18 12:51

EAJk Uribe Kostako alkategaiak aurkeztu ditu

Kerman Santiago Alkorta

Uribe Kostako EAJko alkategaiek domekan egin zuten agerraldia, Areetan. Hamar udalerrietako hautagaiak, Unai Rementeria Bizkaiko Foru Aldundiko diputatu nagusia eta Itxaso Atutxa Bizkai Buru Batzarren presidentea egon ziren bertan.

Bost emakume eta bost gizonezko izango dira EAJren alkategaiak Uribe Kostan, eta horien artean sei lehenengo aldiz izango dira hautagai: Amaia Agirre (Getxo), Nagore Utxupi (Gorliz), Iban Rodríguez (Leioa), Iñaki Alonso Martín (Lemoiz), Aitziber Oliban (Erandio), eta Josu Landaluze (Sopela). Beste laurek, berriz, hautagaitza errepikatuko dute: Javier Bilbao (Urduliz), Roberto Muñoz (Barrika), Elixabete Uribarri (Plentzia) eta Anabel Landa (Berango).

Foru-hauteskundeak eta udal-hauteskundeak “garrantzitsuenak” direla esan du Itxaso Atutxak, baita herritarren ongizatea helburu dutela ere: “Zerbitzu publikoa da gure erantzukizun nagusia”. Gainera, Rementeriak azpimarratu du Uribe Kostako udalerrietan EAJri esker dagoen egonkortasuna: “Bizi-kalitatea daukagu eskualde honetan, lasaitasuna”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa