Udako jaiak 2019

Eraso matxisten aurkako babesgunea egongo da Itzubaltzeta eta Pinuetako jaietan

Aurten ere Itzubaltzetan Eraso Matxisten Kontrako Plataforma eratuko dute Itzubaltzeta/Romo eta Pinuetako jaietan. Erasoen kontrako babesgunea antolatzea izango da haren egiteko nagusia.

Itzubaltzetako Emakumeon Asanbladaren ekimenez, hainbat taldek eta banakok bat egin dute plataforma sortzeko, azken urteetako ohiturari jarraituz. Denen artean kudeatuko dute Eraso Matxisten Kontrako Babesgunea, lekuz aldatuko joango dena egunaren arabera.

"Eraso bat jasan duten emakumeek herriaren sostengua izango dute, eta eraso bat ikusi duen  orok herri-salaketa bat aktibatzeko aukera izango du", azaldu dute. Helburu nagusia erasoa jasan duenari entzun eta behar duen laguntza guztia ematen saiatzea da. Platafornako kideek txandaka hartuko dute zeregin hori, ondoko kokagune eta ordutegietan:

  • Uztailaren 30a (martitzena) eta 31 (eguaztena): Pinuetako agertokiaren atzeko aldean, 2:00etatik 05:00etara.
  • Abuztuaren 1ean (eguena): Xake plazan, 22:00etatik 05:00etara.
  • Abuztuaren 2an (barikua) eta 3an (zapatua): Xake plazan, 22:30etik 06:30era.
Erlazionatuak

Sentsibilizazio-kanpaina jaietan eraso sexistarik egon ez dadin

Erandio

Erandioko Udalak kanpaina ipini du abian jai-eremuetan berdintasunaz sentsibilizatzeko. Herriko jai denetan gaiaren gaineko materiala zabaltzen dab...