Marea Horia irudikatuko dute bihar Plentzia eta Gorlizko badian

Pertsona migratzaileen eta errefuxiatuen aldeko ekimena, artxiboko irudian.

Azkenengo urte bietan egin duten legez, pertsona migratzaileen eta errefuxiatuen aldeko ekitaldia egingo dute Gorliz eta Plentziako hondartzetan. Ongi Etorri Errefuxiatuak plataformaren Gorliz, Lemoiz eta Plentziako taldeak antolatu du ekimena; bihar, zapatuan, jarri dute hitzordua, 12:30ean, Arkoteko arrapalan eta Astondon.

Lau urte igaro dira Ongi Etorri Errefuxiatuak plataformaren Gorliz, Lemoiz eta Plentziako taldea sortu zenetik. Denbora tarte horretan, askotariko ekimenak antolatu dituzte eskualdean, tartean, bihar, zapatuan, egingo duten Marea Horia. Hirugarren urtea izango da aurtengoa mobilizazio hori egiten dutena; horren helburua da pertsona migratzaile eta errefuxiatuen egoera salatzea. Horrez gainera, pertsona horiek euren sorterria utzi ondoren Europara arteko bidea zeintzuk egoeratan egiten duten ere mahai-gaineratu gura dute antolatzaileek, baita Europako gobernuen migrazio-politikak salatu ere.

Eguerdiko 12:30ean jarri dute hitzordua, Arkoteko arrapalan eta Astondon; azaldu dutenez, talde bitan itsasoratuko dira parte-hartzaileak, badiaren erdian herri-besarkada egiteko eta pertsona migratzaileekiko elkartasuna irudikatzeko.

Iazko Marea Horia, PTBk egindako bideoa:

Erlazionatuak

"Erakundeei dagokie migratzaileak artatzeko baliabideak ipintzea"

Orain dela hiru urte sortu zen Ongi Etorri Errefuxiatuak (OEE) plataformaren Gorliz, Lemoiz eta Plentziako taldea. Zapatuan, abuztuak 18, errefuxia...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun