Etxerik gabekoentzako aurreikusita dagoen Neguko Bizitokiko Zerbitzua martxan jartzeko prest daude Berangon, 2020ko martxoaren 31ra arte. Ostatu hori Getxoko Udalak eta Uribe Kostako Mankomunitateak aurreikusi dute, Algortako Karitate 10 zenbakian aipatutako erakundeek duten aterpetxean ostaturik ez duten pertsonentzat.
Baldintza meteorologikoak muturrekoak direnean irekiko da Berangoko ostatua, hala nola 2 gradutik beherako hotza dagoenean, euriteengatiko alerta laranja edo alarma gorria dagoenean, edo salbuespenezko baldintzetan.
Egoera horietan, dispositiboa gutxienez hiru egunez irekiko da, eta ohea, dutxa eta edari beroa eskainiko zaizkie bertaratzen diren pertsonei.
2019 mar 05 Uribe Kosta
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!