Eskualdeko mugimendu feministako kideek azaldu dutenez, herriz herri eta eskualdez eskualde urtarrilaren 18an ekintzak egiterako deia zegoen Euskal Herri osoan. Hala, planteamendu horretatik abiatuta, Uribe Kostako hainbat kide feminista batu eta kotxe karabana bat egitea erabaki zuten, Gorlizetik abiatuta. Hala, zapatuan hurrengo ibilbidea egin zuten: Gorliz, Plentzia, Urduliz, Sopela, Berango [Berangoko merkatalgunean geldiunea], Algorta, Neguri, Areeta, Itzubaltzeta-Romo, Leioa, Astrabudua eta Erandio. "Herri guztietan zarata atera eta aldarriak oihukatu genituen, esku orriak banatzearekin batera. Hemendik eta grebara bitartean lanean jarraituko dugu eskualdeko mugimendu feministako kideok, eta hilaren 30ean greba egiteko deia egiten dugu", adierazi dute kide feministek.
Zapatuan banatutako esku orria:
