Ezina ekinez egina, zorionak HIRUKA!

Gaur, urtarrilaren 22an, bost urte bete dira HIRUKAk bere paperezko edizioaren lehenengo zenbakia kaleratu zuenetik. Bost urte tokiko kazetaritza-proiektu independente, plural eta euskaldun baten baitan, askotariko moldaketak bizi izan ditu gure paperak, daborduko horren berri izango zenuenez. Hona hemen bilakaera horren dena laburtzen duen argazki-bilduma.

2015eko orduko hartan, astekari gisa ekin genion paperezko edizioa argitaratzeari, 24 orriko kolorez beteriko tabloidean. Ondoren, kopurua 16 orritara murriztu behar izan genuen, aldizkakotasun berdina mantenduta; 2019an, aldiz, orri-kopurua eta formatuan benetako iraultza egin eta edukiz betetako 40 orriko hilabetekaria izatera pasa ginen.

Ikusiko duzunez, irakurle, aldaketaz aldaketa bizi izan dugu bide hau, gorabeheratsua eta malkartsua aldiro; hala ere, gure eta ingurukoen indarrari eta gogoei esker aurrera egitea lortu dugu, uribekostar euskaldunontzako ahalik eta kazetaritza-produkturik onena helarazteko asmoz.

Hala, gaur, urtarrilaren 22an, urtemuga hori ospatzeko, bost urteotan argitaratutako aldizkarien azal denen bilduma sortu dugu, denbora tarte horretan papereko eskaintza horren bilakaera beren-beregi erakusteko.

Erlazionatuak

Ezina ekinez egina, zorionak HIRUKA!

Uribe Kosta

Gaur, urtarrilaren 22an, bost urte bete dira HIRUKAk bere paperezko edizioaren lehenengo zenbakia kaleratu zuenetik. Bost urte tokiko kazetaritza-p...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun