Gaurtik aurrera, Uribe Kostako Mankomunitateko tokiko dendetan euskara erabiltzen dutenei poltsak emango dizkiete Kaishop kanpainaren bigarren fasean.
Bizkaiko Foru Aldundiko Alkarbide elkarteak hasi zuen 2019ko azaroan Kaishop proiektuaren lehen fasea. Antolatzaileek esan dutenez, kanpainaren helburua “merkataritza txikia eta euskara bultzatzea eta euskaraz erosteko aukera balorean” ipintzea da.
Otsaileko bigarren hamabostaldian oparituko dizkiete Kaishop poltsak dendetara euskaraz hurbiltzen diren pertsona denei.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
