Uribe Kostako taldea, BBK sariketatik kanporatuta

Gaurko saioko irudi bat. © BIZKAIKO BERTSOZALE ELKARTEA

Gaur, eguaztenean, jokatu da Bertsolari Gazteen BBK sariketaren azkenengo kanporaketa, Uribe Kosta eta Lea-Artibai taldeen artean. Azken horrek irabazi du saioa; ondorioz, Uribe Kostako taldea lehiaketatik kanpo gelditu da.

Aurrera doa BBK sariketa eta gaur, eguaztenean, aurtengo edizioko laugarren saioa izan da, Uribe Kosta eta Lea-Artibai taldeen artean. Ekitaldia Markina-Xemeingo Kultur Aretoan izan da eta bertako Bekobenta eta Berakruz ikastetxeetako ikasleek bete dute aretoa.

Sailkapen-izaerakoa izan da saioa, aurreko egunetan egindakoak bezala. Hala, Lea-Artibai taldeak irabazi duenez gaurkoa, hura pasako da finalaurrekoetara. Ondorioz, Uribe Kostako taldea kanporatuta gelditu da.

Lea-Artibai taldeak, hala, martxoaren 18an Sopelan jokatuko den bigarren finalaurrekorako txartela lortu du; bertan, Hego Uribe taldearen kontra lehiatuko da.

Gaurko saioko aurkezlea Maddi Ibaigarriaga izan da eta epai-mahaia Ander Arrienek, Beñat Romerok eta Jone Antsotegik osatu dute. Idazlari legez Idoia Anzorandiak jardun du.

Hauexek izan dira kantatu duten bertsolari gazteak:

 

URIBE KOSTA

LEA-ARTIBAI

18 urte arte

Jare Torralba

Peio Lago

Izaro Gascón

Sara Asenjo

Amaiur Galdos

Ariane Sololuze

19-24 urte bitarte

Peru Irastorza

Oihan Díaz

Mikel Arrate

Nahia Ibarzabal

Garazi Navarro

Aitzol Goitia

Finalaurrekoak:

Eguna

Taldeak

Lekua

Ordua

2020/03/16

Busturialdea-Durangaldea

Iurreta. Orobigoitia BHIn

10:00

2020/03/18

Hego Uribe-Lea-Artibai

Sopela. Ander Deuna ikastolan

9:45

Finala

Eguna

Lekua

Ordua

2020/03/26, eguena

Bilbo – BBK Aretoa

18:00

 

 

Erlazionatuak

BBK sariketaren finalaurreko txartela lortzeko lehiatuko dira Uribe Kostako bertsolari gazteak

Uribe Kosta

Uribe Kostako eta Lea-Artibaiko bertsolari gazteak lehiatuko dira bihar, martxoaren 11n, Markina-Xemein Kultur Aretoan, 10:30ean, BBK sariketaren 2...