Koronabirusa Uribe Kostan

Italiaren bidetik: guztiz derrigorrezkoak ez diren lekualdatzeak galarazi ditu Gobernuak Espainiako Estatu osoan

Espainiako hainbat hedabideren arabera, lanera eta osasun-zentroetara joateko, elikagaiak, sendagaiak edo bestelako premiazko gaiak erosteko, eta premia handiko bestelako zenbait jardueratarako ez diren lekualdatzeak debekatuko ditu Espainiako Gobernuak, COVID-19 gaixotasunaren zabalkundea geldiarazi guran. Pedro Sanchez presidenteak eman du neurrien berri. 

Beherrezko gaiak erostera eta lanera joateaz gain, zaintza lanak egiteko, finantza-erakundeetara joateko, etxera bueltatzeko, ezinbesteko egoeretarako eta justifikatutako beste ekintza batzuetarako (mendekotasuna dutenen zaintza, besteak beste) mugitzea baimenduko da aginduaren arabera. Enpresa publiko zein pribatu denek etxetik lan egiteko aukera sustatu beharko dute ahal duten heinean.

Europa Press berri-agentziak adierazi du asteleheneko 08:00etatik aurrera egongo da neurria indarrean. Pedro Sanchezek arratsaldean egitekoa duen agerraldian xehetasun denak azalduko dituela espero da.

Jaurlaritzaren neurri-sorta

Eusko Jaurlaritzak zenbait ezohiko neurri iragarri eta berehala ailegatu da Madrilgo Gobernuaren erabakiaren gaineko albistea. Hain zuzen ere, Jaurlaritzak ebatzi du hamabost egunez museoak, txokoak, eta ostalaritza-establezimenduak itxi beharko direla, janaria etxez etxe banatzen dutenak izan ezik. Oro har, pertsonen arteko metro bateko gutxieneko distantzia mantendu ezin deneko jarduerak eten beharko dira. Neurriok gaurtik aplikatzeko gomendatu dute, ofizialki bihar sartu arren indarrean.   

Zahar-egoitzetara bisitak egitea ere debekatu da EAEn. Hoteletan daudenek bertan jarraitu ahal izango dute, baina pertsonen artean metro eta erdiko distantzia utzi beharko da gutxienez. Arau hori ez errespetatzea, hoteletan edo nongura, desobedientziatzat joko da eta zigorrak eragin ditzake, baita penalak ere.  

Erlazionatuak

Koronabirusaren jarraipena TOKIKOM medioetan

Erabiltzailearen aurpegia

Toki komunikabideak gertutik jarraitzen ari dira koronabirusaren mundu mailako krisiak herriz herri duen eragina. Mapa honetan jarraitu daiteke lan...
Sintomak izanez gero, zer egin? Osakidetzaren aholkuak

Uribe Kosta

"Sintomak izanez gero, hala nola sukarra, eztula edo aire-faltaren sentsazioa, etxean edo ostatuan geratu behar duzu eta berehala jarri behar duz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun