Egizu kirola etxean

Kalera ezin ateratzea ez dadila aitzakia izan kirola ez egiteko!

Koronabirusaren osasun-larrialdia dela eta, etxean geratu behar dugun honetan, garrantzitsua da errutinei jarraitzea eta gorputzari eragitea kirola eginez. Hori dela eta, konfinamenduak iraungo duen bitartean ariketak egiteko hainbat bideo tutorial utziko dizkizue HIRUKAk, Algortako Global Equilibrium gimnasioagaz elkarlanean.

Bideo denak topatu ahalko dituzue horretarako espresuki osatutako kanal berrian: Egizu kirola etxean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun