Alarma-dekretuaren ondoren behin-behineko beste baliabide batzuk egokitu ziren, Berangoko aterpea kasu, eta orain, erabaki da Andra Marin aipatutako ekipamendua irekitzea eta Berangokoa ixtea, pertsona kopuru handiago hartzeko eta beharrezko segurtasun-neurriak hobeto bete ahal izateko (pertsonen arteko gutxieneko distantzia, elikadura…).
Aterpetxea Andra Mari kiroldegiko ikasketa geletan egokitu da, gehienez 25 lagunentzat. Lo egiteaz gainera, erabiltzaileek eguna instalazioetan igaro ahal izango dute eta mantenua (gosaria, bazkaria eta afaria) jasoko dute, Algortako Karidade kaleko zentroak emanda.
Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.
Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.
Izan zaitez HIRUKAlagun
