Koronabirusa Uribe Kostan

Kanpomartxo eta Berango Kantari, etxealdiari aurre eginez

Mobilizazio-bide bakarretakoa balkoietan zarata egitea den honetan, irudimena lanean ipini dute askok, pandemiak ez ditzan jarduera sozialak guztiz lurperatu. Azken aste-akabuan adibide bi izan ditugu Uribe Kostan: Erandioko Kanpomartxo jaia, eta Berango Kantari. 

Atzo, martxoak 29, Faoeta auzoan egitekoa zen Kanpomartxo, baina osasun-larrialdiak euskararen aldeko jaia atzeratzera behartu zuen Erandioko Berbots Euskaltzaleen Topagunea. Horren ordez, baina, festa nork bere etxean egiteko deia egin zuten: Kanpomartxoren abestia sare sozialen bidez zabaldu eta hura dantzatzen, abesten edo jotzen bideoa grabatzeko eta bidaltzeko eskatu zuen Berbotsek. Hori  bai, denek erritmo berean, jasotako bideo guztiak bakar batean batu ahal izateko. 

Berango Kantarik, berriz, hirugarren urtemuga zuen ospatzekoa aste-akabuan. Kalez kale ibili ezinda, antolatzaileek dei egin zuten behintzat balkoietara irtetera eta Berango kantua kantatzera, doinua Facebook bidez zabaldu ostean. Herritarrei euren grabazioak eskatu zizkieten (sinkronizatu bakoak, den-dena esan behar bada), eta collage bitxi hau izan da emaitza. 

Erlazionatuak

Konfinabirusaren kontra, kanta dezagun batera

Berango Erandio

Unai Brea HIRUKAko kazetariak Bizkaia Irratian gaur egindako kolaborazioa entzun dezakezue hemen.
Kanpomartxo jaialdia atzeratzea erabaki du Berbotsek

Erandio

Berbots Euskaltzaleen Topaguneak Kanpomartxo jaialdia atzeratzea erabaki du, koronabirusaren krisia dela eta. Martxoaren 29an egitekoa zen aurten E...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun