Koronabirusa Uribe Kostan

Sorginok kultura berregin beharko dugu

Sorginok kultura berregin beharko dugu.

Inoiz baino beharrezkoago garela argi utzi baitu herriak:

Zeinek ez du musika, pintura, marrazketa, argazkilaritza, dantza, literatura edota zinea erabili egunotako narda, asperdura edo gogait hau ahalik eta hoberen eramateko?

Nahiz eta beste batzuek, Orson Welles-i hitzak lapurtuta, lehenik bizitza doala dioten: zein zentzu du bizitzak kultura barik?

Arte-galeria txikiei, kultur elkarte sozialei, eta antzekoei; eta sorginoi orokorrean; oso zail izango zaigu konfina-birus honi aurre egitea… batez ere ekonomikoki.

Ezin da ukatu.

Baina ez da berria kultur sortzaileontzat prekaritatean bizitzearen kontu hau, ez da berria guretzako “si acaso, cuando eso, haremos todo para reactivar la cultura” entzun eta bizitzea.

Ez da kontu berria guretzat.

Ez da berria.

Beraz, ez gaitu prekaritate honek hilko.

Kultur sortzaileak esentzialak ez garela diote... Bueno, euren iritzia da hori.

Guk badakigu hala ez dela, beraz lanean jarraituko dugu.

Gero eskerrak emango dizkigute...

Enfin.

Hori ere ez da berria guretzat.

Balkoietatik kontzertuak, barre-algarak sorrarazten dizkiguten konfina-film laburrak, komikiak, “telebista” serieak, pelikulak, musika, arte-erakusketa birtualak… Edozein eratako liburu edo idatziak… Meditazioa... milioika eratako tutorial kulturalak...

Horiek dira itxialdi honentzako medikamendurik onena.

Kultura parazetamola baino hobea dela herriaren bizipoza berreskuratzeko argi daukagu.

Besteek diotena, oraintxe, guri bost.

Beraz:

Aurrera lagunok!

Aurrera sorginok!

Eta aupa GU!!!

Erlazionatuak

"Gobernuak hartutako neurri ekonomikoek ez dute erroa jo; partxeak baino ez dira"

Uribe Kosta

Joan den martxoaren 15ean konfinamendurako dekretua jaso genuen arren, egun batzuk lehenago antzerki, kontzertu eta abarreko ikuskizun asko bertan ...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun