Erabili eta botatzeko maskarak banatzen hasi dira gaur, martitzenean, Bizkaiko autobus, metro, tranbia eta tren geltoki nagusietan, Josu Zubiaga Eusko Jaurlaritzako Segurtasun sailburuordeak azaldu duenez. Neurria gaur eta bihar mantenduko dute, lanera doan jendeari "gogorarazteko" segurtasun neurriak mantendu beharra dagoela. Izan ere, maskarok ez dira sanitarioak, higienikoak baizik.
Eusko Jaurlaritzako Segurtasun sailburuordeak azpimarratu duenez, maskara horiek ez dituzte ordezkatzen Covid-19aren aurkako babes neurri nagusiak, hau da: garbitasuna eta pertsonen arteko distantzia. Izan ere, gaur eta bihar banatuko dituzten maskarak ez dira sanitarioak, baizik eta higienikoak: "paperaren moduko materialez eginda daude eta goma soilik ukituz jarri behar dira. Horiek erabili ondoren bota egin behar dira".
Denera, 494.000 maskara banatuko dituzte gaur eta bihar artean EAEko garraio publikoko gune nagusietan. Bizkaian DYAko eta Babes Zibileko boluntarioek emango dituzte maskarak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
