"Lau horma artean ari gara egunotan, eta zorterik izatekotan (eta terraza edo balkoia), laugarren horma hori gure irudimenean egongo da, antzerkian gertatzen den eran. Ezin agertokitik hala ere...", berba horiekaz hasten da Amari agentziak abian jarri duen egitasmoaren aurkezpena. "Inolako mugarik izango ez duen" erakusketa antolatzea da helburua, edozein motatako arte-adierazpide kabituko dena, hortaz.
Daborduko taldetxo bat dabil lanean, baina ahalik eta jende gehienek parte hartzea gura dute. Interesa dutenek mezua bidaliko behar dute, domeka bitartean, info@amariart.org posta elektronikoko helbidera.
"Ikusteko dago zein formatu izango duen erakusketa honek", azaldu dute, "talde-lanean gabiltza forma ematen, eta ezin oraindik ezer aurreratu". Sustatzaileen esanetan, "artea eta kultura atzean geratu ez daitezen balioko du ekimenak, herriak horiek ere behar dituela uste baitugu". Hala, dei egin diete "sortzaile-sorgin-aristei" bakoitzak esku artean duena proposatzeko; "seguru leku egingo diogula akelarre honetan".
