Erosketak egiterakoan, lehenengo berba euskaraz egingo dugu?

Etxean konfinatuta gauden arren, oraindino bada etxetik kanpo mantentzen dugun harreman mota bat: erosketak egitera goazenean sortzen dena, alegia. Itxialditik tarteka irteteko beharra izaten dugu auzoko dendan erostera, supermerkatura, okindegi, arrandegi, harategi, fruta-denda edo egunkariaren bila. Hala, Euskaraldiaren gaurko proposamena da, une horiei lotuta, dendan sartzen garenerako egingo dugun lehenengo hitza euskaraz izatea... Saiatuko gara?

Etxean eta etxetik ditugun harreman komunikatiboetan "euskara gehiago, gehiagorekin eta gehiagotan" egiteko gonbita egin gura du Euskaraldiak; horretarako, joan den apirilaren 20an "Etxealditik Euskaraldia" ekimena jarri zuten martxan, maiatzaren 3ra arte iraungo duena.

Apirilaren 20tik maiatzaren 3ra etxean eta etxetik ditugun harremanetan (gertuko harreman horietan) ditugun hizkuntza portaerak aztertu eta horiek aldatu edo finkatzeko ariketa proposatu dute.Hala, etxetik hasita, datorren azaroaren 20tik abenduaren 4ra izango den Euskaraldirako prestaketa lanak egingo dira, euskara gehiago, gehiagorekin, gehiagotan erabiltzeko.

Apirilaren 20an hasi eta ekimena amaitu arte, Euskaraldiak bideo laburren bitartez egunero parte hartzeko jarraibideak emango ditu Euskaraldiko facebook, instagram eta twitter kontuetan, ahobizi eta belarriprest Telegram kanaletan eta Euskaraldiko webgunean.

Erlazionatuak

Prest zaude Etxealditik Euskaraldira ekimenak dakartzan proposamenei heltzeko?

Uribe Kosta

Etxealditik Euskaraldira ekimenak euskaraz aritzeko ohiturak indartu gura ditu konfinamenduan gauden egunotan. Horretarako, hainbat aukera eskainik...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun