Koronabirusa Uribe Kostan

Kultura, katebegi ahulena

COVID-19a dela eta, krisialdi itzel batean sartuko garela esatea ez da berria. Aste honetan teleberrietatik pasatu dira sektore guztiak, beren egoera zein larria den adierazteko. Kultura-sektorea ere bai. Sektore guztietan ez ezik, kulturan ere atzean zer dagoen jakin behar da, kultura mega-arloa da eta. Hor daude aktoreak, zinemagileak, gidoilariak, musikariak; soinu- eta argi-espezialistak; arduradunak, mantenukoak, programatzaileak, errepresentanteak; liburugintzan, egileak, editoreak, inprentak; museoen teknikariak, zaharberritzaileak; historialariak, ikerlariak, arkeologoak, paleontologoak; HIRUKA eta antzeko hedabideak… eta askoz gehiago; jakina, horiekin lotutakoez gain.

Datozen hilabeteetan aurrekontuak murriztuko dira. Kulturaren diruarekin, gainontzeko sektoreei lagunduko diete. Azken batean, itxaron daiteke

Egungo krisia ikuskizunek eta publikoarekin lotutakoek larri pairatu dute. Bat-batean ezer gabe geratu dira, eta epe luzerako ere, ezer gabe. Nork uste du antzokiak berriro beteko direla? Kulturako beste arlo batek oraindik bizirauten du. Askok bere lanarekin jarraitzen dute, ikerketak eta txostenak egiten eta mundua aztertzen. Hala ere, badakite berehala krisiaren zama horien gainean eroriko dela. Datozen hilabeteetan aurrekontuak murriztuko dira. Kulturaren diruarekin, gainontzeko sektoreei lagunduko diete. Errestaurazioak, ikerketak erakusketak… geldituko dira. Azken batean, itxaron daiteke.

Txarrena da hedabide guztiek normaltzat hartzen dutela kulturaren hondamendia. Naturala da, antza. Kultura, aldiz, ez da sektore komodina, ezta diru-erreserba ere; identitatea, ezagutza, ondarea eta gizarte-eraikuntzaz gain, pertsona asko daude atzean. Beti bezala, alferrik kexatuko gara. Zergatik kanpoko proiektuak itzelak dira eta hemengoak bigarren mailakoak? Berton kultura-ehuna haiek bezala zaintzen dugu edo? Zorionez, lehenengoz, Kultura Sailak kulturaren krisiaren kontrako laguntza bereziak iragarri ditu. Handiak edo txikiak, sektorea duintzeko ezinbestekoa. Ez dago turismoa soilik.

Erlazionatuak

Sorginok kultura berregin beharko dugu

Uribe Kosta

Sorginok kultura berregin beharko dugu. Inoiz baino beharrezkoago garela argi utzi baitu herriak: Zeinek ez du musika, pintura, marrazketa, argaz...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun