Ezarritako baldintzakaz eta laguntza barik zabaltzearen aurkako bideoa egin dute Sopelako ostalari ugarik

"Así no abrimos. Horrela ez" leloa erabilita, Sopela erdiguneko eta Larrabasterrako tabernari ugarik sare sozialetan bolo-bolo dabilen bideo bat plazaratu dute, astelehenetik aurrera zabaldu ahal izateko (momentuz terrazak baino ez) ipinitako baldintzakaz euren negozioek aurrera egiterik ez dutela adieraziz. Hogei establezimendu inguruk hartu dute parte ekimenean.

"Mugakaz zabaltzeak ordainen bat ekarri beharko lukeela" adierazten dute bideoan, eta besteak beste Aldi Baterako Enplegu Erregulazio Espedienteak luzatu ahal izatea, kutsatze-arriskua gutxitzeko egin beharreko instalazioetarako dirulaguntzak jasotzea eta zergak gutxitzea eskatzen dute, baita langile, bezero eta hornitzaileen babesa bermatzeko materiala ere. Erakunde publikoek "enpatiaz jokatzea" espero dutela gehitu dute.

Denera udalerriko 21 establezimendu agertzen dira bideoan. Horietako gehienen ugazabak edo langileak ageri dira bertan, ekimenaren goiburua errepikatuz.

Erlazionatuak

Hegoalde guztia 1. fasera igaroko da astelehenean

Uribe Kosta

Hegoalde guztia igaroko da astelehenean lehengo fasera. Erkidegoetako ordezkariekin mintzatu ondoren atera dira prentsa aitzinera Salvador Illa Esp...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun