Koronabirusa Uribe Kostan

Maskarak erabili behar izango dira bihartik aurrera

Bihartik, eguenetik, aurrera maskarak erabiltzea derrigorrezkoa izango dela argitaratu du Espainiako Gobernuak Estatuko Aldizkari Ofizialean (BOE). Horren arabera, 6 urtetik gorakoek erabilera publikoko edozein gune itxitan jantzita izan beharko dute, baita kalean eta aire zabaleko eremuetan ere, metro biko distantzia mantendu ezin bada. Neurria alarma egoera bukatu artean egongo da indarrean.

Maskara higienikoak eta kirurgikoak hobetsi dituzte, betiere sudurra eta ahoa estalita. Horiek jantzi beharko dituzte bihartik aurrera 6 urtetik gorako herritarrek; derrigortasun hori izango ez duten bakarrak arnasa hartzeko zailtasunak izan ditzaketenak izango dira, baita osasun arazoengatik zein lan jardueragatik jantzi ezin dutenak ere. Edateko eta jateko jardueretan ere ez da eraman behar izango.

 
Erlazionatuak

Herritarrentzako 10.000 maskara banatuko ditu Plentziako Udalak

Plentzia

Etxebizitza bakoitzean maskara bi dituen paketeak banatuko ditu Udalak. Denera, 10.000 unitate banatuko dituzte datorren astean zehar, aurreikuspen...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun