Koronabirusa Uribe Kostan

Berangok eta Gorlizek ez dute ordutegia malgutzeko baldintzetako bat betetzen

Orain bai, 10.000 biztanletik beherako udalerrietan kalera irteteko eta kirola egiteko ordutegiak kentzeko neurria onartzen duela argitaratu du Espainiako Gobernuak BOEn. Hala ere, biztanle-kopuruaz gainera, malgutze horretaz gozatzeko beste baldintza bat ezarri dute agintariek: gehienez 100 biztanleko dentsitatea izatea kilometro koadroko. Hala, Berangok eta Gorlizek ez lukete hori beteko, 793,82 biz./km² eta 551,99 biz./km² dutelako, hurrenez hurren.

Barrika, Lemoiz, Plentzia eta Urdulizen bizi direnak soilik dute aukera 06:00etatik 23:00etara irteteko, mugarik gabe. Gainontzeko udalerriek orain arte bezala segitu beharko dute, baina erosketetarako, lanera joateko eta terrazetara joateko ez dago ordutegi mugarik.

Datorren astelehenetik, maiatzaren 25etik aurrera, aldiz, litekeena da ordutegi horiek kentzea udalerri denetan, konfinamendua arintzeko 2. Faseagaz batera.

Erlazionatuak

Berangok eta Gorlizek ez dute irteteko ordutegirik izango

Berango Gorliz

Kalera irteteko eta kirola egiteko ordutegiak kendu egingo ditu Espainiako Gobernuak 10.000 biztanletik beherako udalerrietan; oraindino ez dute ze...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun