Bizkaiko Bertsolari Txapelketa

Ibai Amillategik eta Imanol Arrutiak irabazi dituzte hirugarren eguneko saioak

Berangoko saioaren irudietako bat. © BIZKAIKO BERTSOLARI TXAPELKETA

Eguaztenean hasi ziren Bizkaiko Bertsolari Txapelketarako sailkapen faseko saioak eta barikuan, hilaren 18an, beste bi jokatu ziren. A multzoko saioa jokatu zen Markina-Xemeinen, Esperantza aretoan. Bertan, Ibai Amillategi gailendu zen, 184,5 puntugaz; Mikel Galarza leioaztarrak bosgarren postua eskuratu zuen. B multzoko saioa, aldiz, Berangon jokatu zen eta Imanol Arrutiak irabazi zuen 159,5 puntugaz.

Saio bietako puntuazio desglosatuak ikusteko sakatu hemen.

Aste honetan beste lau saio izango dira: Muxikan eta Berrizen eguaztenean; eta Zallan eta Derion eguenean.

Antolatzaileek azaldu dutenez, gaur egungo segurtasun-neurriak ahalik eta gehien errespetatuko dira. Hala, besteak beste, sarrerak aldez aurretik erostea eskatu dute; Internet bidez egin daiteke hori ondorengo helbidean: www.bertsosarrerak.eus. Sarrerak 3 euroan eros daitezke; bazkideek 2 euro pagatu beharko dute; 16 urtetik beherakoek, aldiz, doan izango dituzte tiketak.

Erlazionatuak

Orozkon eta Lekeition jokatuko dira Udabarria Bertsotan faseko lehenengo saioak

Gorliz Leioa

Gaur emango diote hasiera Bizkaiko Bertsolari Txapelketako sailkapen faseari. Orozkon eta Lekeition izango dira lehenengo saioak, 18:30etik aurrera...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun