Gune Anitza zigiluari atxiki zaizkio Sopela eta Urduliz

Sopelako bozeramaileen batzordeak aho batez onartu zuen, irailaren 25ean egindako saioan, sexu-identitateen aniztasunaren gaineko adierazpena. Horren bitartez, "LGTBIQ+ komunitatea ikusarazteko eta haren eskubideak aldarrikatzeko" helburua duen Gune Anitza zigiluagaz bat egin du Udalak. Barrika eta Urduliz ere atxiki zaizkio zigilu horri irailaren hondarrean.

Udalak azaldu duenez, “Anitza izeneko manifestuari atxikimendua adieraztean, konpromisoa hartzen dugu gure espazioa zaindu eta berritzeko, aniztasunerako espazio modura”, esan zuen Teresa Fernandez PSE-EEko zinegotziak, eguaztenean egindako osoko bilkuran. Fernandezek irakurri zuen bozeramaileen batzordearen adierazpena, izan ere.

Hau da manifestuan adierazitako dekalogoa:

  • Aniztasunaren alde gaude; izan ere, gizartearen zeharkako eta ezinbesteko
    ezaugarritzat jotzen dugu.
  • Aniztasuna norberaren baitan aurkitzen den zerbait da, eta ezinbestean
    positiboa da. Nortasun, izateko modu eta maitasun-ereduetan aniztasuna izatea
    balio bat da berez.
  • Ezin da ulertu nortasuna eta izateko modua mugatu daitezkeenik, ezin da
    zigortu harreman positibo eta gogobetekorik, eta ezin da pertsonen artean
    hierarkiarik ezarri.
  • Gure espazioan gogoz egingo dugu lan hierarkizazio historikoaren ondorioz
    sortu diren desberdintasun sozialen kontra. Ez dugu onartuko eskubide eta
    askatasun berdintasunaren gaineko mehatxurik eta urraketarik.
  • Ez dugu onartuko inork jarrera ez-tolerantea agertzea, ezta aniztasunari eraso
    egitea ere.
  • Gainerako administrazioei eskatzen diegu aniztasunaren alde lan egin dezaten:
    aniztasuna onartu, sustatu, bultzatu eta babestu dezatela.
  • Egungo legeria hobetzea aldarrikatzen dugu. Legeak zaindu egin behar du
    aniztasuna, hezkuntzan, ikerketan eta errespetuan oinarrituta, eta edozein
    erasoren kontrako gaitzespen-jarrera zorrotza agertu behar du.
  • Daborduko martxan jarri diren gazteei eskatzen diegu modu aktiboan jarrai
    dezatela, beste indargune bat izan daitezela aniztasuna bultzatzeko, bai maila
    pertsonalean, bai kolektiboan.
  • Gazteak beste indargune bat izatera animatzen ditugu, Gune Anitza espazioak
    bilatzeko, ezagutarazteko eta sortzeko.
  • Helburua da Gune Anitza zigiluari atxikitzea aniztasuna positibotzat hartzen
    duen espazio fisiko eta birtual guztiak .
Erlazionatuak

Gune Anitza zigiluagaz bat egin du Barrikako Udalak

Barrika

"LGTBIQ+ komunitatea ikusarazi eta eskubideak aldarrikatzeko helburuarekin", Gune Anitza zigilua eskuratu du Barrikako Udalak. Horren bitartez,...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun