Aurreko mobilizazioetan egin zuten legez, atzoko elkarretaratzeetan bildutakoek azpimarratu zuten osasun arloko langileak "nekatuta eta baliabiderik gabe" daudela; "ondorioz, herritarrak arreta duinik gabe gelditu dira". Horren aurrean, deitoratu zuten zein den gaur egun Osakidetzaren eredua, "mugak agerikoak dituena". Kontuak hala, beste eredu bat aldarrikatu zuten osasun zentroen aurrean bildutako lagunek: "Indarrean dagoenak ez digu balio!".
Mobilizazioak amaitu ondoren, Osakidetzako Bizkaiko langileek azaroaren 12rako deitutako greba deialdiaren berri eman zuten; mobilizazioak egingo dituzte gaur, 11:00etan, herrialdeko ospitale eta osasun zentro guztietan.
