Historiaurreari buruzko Barrikako III. Jardunaldiak, COVIDagatik desitxuratuta

Berriro ere historiaurrearen gaineko jardunaldiak antolatu ditu Edestiaurre Arkeologia Elkarteak, Barrikako Udalaren laguntzagaz. Haatik, aurreikusitako lau ekitaldietatik bakarra egin ahal izango dute momentuz, COVID-19a dela eta ezarritako arauengatik. Hain zuzen ere, azaroaren 20an Urdulizen emango duten berbaldia da mantendu den egitarauko ekitaldia.

Bertan behera geratu dira propultsatzaile bidezko jaurtiketa-lehiaketa, Neandertrail lasterketa eta Historiaurreko zizelkatze litikoko ikastaro esperimentala. Hirugarren horretan parte hartzeko talde bat izena emanda zegoen daborduko, eta ekimena gauzatu daitekeenerako lekua gordeko dietela adierazi dute antolatzaileek.

Azaroaren 20ko berbaldia, berriz, Urdulizko Kultur Etxean ikusi ahal izango da, aurrez aurre eta ohiko segurtasun-neurriak betez, edo Edestiaurreren Youtubeko kanalean. 

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun