Errigorak 429 otzara saldu ditu Uribe Kostan, inoizko kanpainarik emankorrenean

© ERRIGORA

"Inoizko baldintza gaiztoenetan inoiz baino ekarpen handiagoa bildu dugu euskalgintzarako: 302.000 euro". Errigora ekimenaren Nafar hegoaldeko uzta euskarari puska! kanpainaren zortzigarren edizioa orain arteko emankorrena izan da; 16.000 otzara baino gehiago saldu dituzte, horietatik 429 Uribe Kostan.

Ekimenaren arduradunek emandako datuen arabera, 178 otzara eskatu dira Getxon, 197 Leioan eta 54 Sopelan. HIRUKAk ere parte hartu du, eta denera hiru ale zozkatuko ditugu urtea amaitu baino lehen, mota bakoitzeko bana. Horietako bi zozkatuta daude daborduko, eta hirugarrena, berezia, abenduan zozkatuko dugu.

Nafarroa Erdialdeko eta Erriberako euskalgintzari hauspoa ematea da Errigoraren helburua. Otzaren salmentagaz lortzen denaren laurden bat "behar-beharrezko ekarpena" egiten zaie Tuterako, Lodosako eta Vianako ikastolei, Erriberako AEKri, Sortzenek eskola publikoan D ereduko lerroak zabaldu eta mantentzeko egindako lanari, eta Agerraldi egitasmo berriari.

Antzinako erromatarrek Ager vasconum deitu zioten Nafarroako hegoaldeari, eta hortxe kokatuko da Agerraldia proiektua. Urritik urrira euskararen esparruan egiten diren ekitaldiak babestuko ditu, euskalduntzearen, kulturaren, kirolaren, jendartearen eta hezkuntzaren eremuetan. Errigoraren webgunean ikus daiteke informazio zehatzagoa.

Erlazionatuak

Errigoraren otzarak zozkatuko ditugu!

Uribe Kosta

Amaitzear dago urtero Errigora ekimenak Nafarroa hegoaldeko euskalgintzari laguntzeko egiten duen kanpaina, eta ohi den legez, haien otzarak zozkat...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun