COVID-19ak baldintzatutako Euskaraldia amaierara heltzen ari da; hala, 15 egunotan bizi izandakoez, eta etorkizunari begira jartzeko, agur jaia egingo dute eskualdeko herrietan. Lehenengoak getxoztarrak izango dira batzen, 18:30ean, Algortako kirol portuan; Erandion, aldiz, ordubete beranduago jarri dute hitzordua, 19:30ean, Altzagako Irailaren 23a plazan; ekitaldian, Euskaraldian parte hartu duten denei eskerrak eman eta bizitakoak elkarbanatzeaz gainera, Txor txor bakarrizketa umoristikoa egingo dute. Leioan, berriz, agurpena egiteko bideoak eta argazkiak partekatuko dituzte egunean zehar, sare sozialetatik.
Getxoztarrek jakinarazi dutenez, gaurko amaiera ekitaldirako sarrera librea izango da, baina edukiera mugatuagaz. Mitxel Santamaria eta Itsaso Quintana arituko dira aurkezle, umore klabean, udalerriko hainbat sortzaileren musikaz girotuta. "Aurtengoan egin dugun ibilbideaz disfrutatzeko aukera paregabea izango dugu Getxon", iragarri dute arduradunek.
Erandio
Getxoko amaiera ekitaldia:
Leioa
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!