Eta TOKIKOM Sarien irabazleak dira...

Toki komunikabideen lana aldarrikatzeko eta gizarteratzeko sariketak bosgarren edizioa egin du aurten, testuinguru berezira egokituta. Oraingoan ere epaimahaiak hiru sari emango ditu: urteko azalik onena, edukirik onena (HIRUKAren "Koronabirusa atzerrian" da hautagaietako bat) eta ikus-entzunezkorik onena. Publikoak ere, bozketa bidez, sari bat banatzeko aukera izan du aurten: Komunitatearen saria. Nortzuk izango dira irabazleak? Zorte on denoi!

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun