Ikasleak Adimen Artifizialean trebatzeko akordioa sinatu dute Sherpa.ai-k eta Mondragon Unibertsitateak

Lankidetza-hitzarmen horren bitartez, Mondragon Unibertsitateko Business Data Analytics graduko ikasleek garai berrietara egokitutako praktikak egin ahal izango dituzte Adimen Artifizialeko (AA-IA) teknologiagaz.

Prestakuntza-programa horren bidez, Business Data Analytics graduko 80 ikaslek aukera izango dute Sherpa.ai adimen zerbitzuetako enpresak 2020ko uztailean aurkeztu zuen AA plataforma bertatik bertara ezagutzeko. Horrek hiru zerbitzu hartzen ditu bere baitan: datuen pribatutasunari aplikatutako AA, gomendioari eta aurreikuspenari buruzko AA, eta elkarrizketari buruzko AA. Garapen horiek hainbat esparrutan eta enpresatan erabil daitezke, hala nola osasunean, energian, ikerketan eta segurtasunean.

Sherpa-ai-ko lantaldeak antolatuko ditu prestakuntza-ekintza eta saio praktiko horiek; horri esker, ikasleek teknologia berritzaile hori probatu ahal izango dute, eta APIak eta SDKak erabiltzen trebatu ahal izango dira, bai eta aplikazioak modu erraz eta intuitiboan sortzen ere. Arduradunek azpimarratu dutenez, AA ikasleei hurbiltzeko modu bat da hori, sektoreko punta-puntako enpresa baten eskutik.

Erlazionatuak

Xabi Uribe-Etxebarria: "Teknologia lagungarria izan daiteke albiste eta eduki faltsuei aurre egiteko"

Uribe Kosta

Erakunde publiko eta pribatu askok gomendioak eman dituzte albiste faltsuak detektatzeko; hala ere, kulturalki landu beharreko zerbait dela uste du...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun