LABIren Aholku Batzordea bildu da gaur, eta, horren ondoren, hurrengo hamabost egunetarako neurrien berri eman du Iñigo Urkullu lehendakariak. Hala, besteak beste, mugakideak diren udalerrien arteko mugikortasuna ahalbidetuko da hilaren 15etik, astelehenetik, aurrera.
Dekretuaren erreformak xehetasun gehiagoz zehaztuko ditu udalerrien arteko mugikortasuna baimentzeko beste arrazoiak: "lehiaketa profesionalean edo erdi profesionalean dauden taldeen arteko kirol entrenamenduak eta lehiaketak; eta 500etik beherako intzidentzia tasa duten udalerrien arteko mugikortasuna kirol federatuko entrenamenduak, eskola kiroleko entrenamenduak egiteko, baita gimnasioetan, klubetan edo kiroldegietan programatutako aktibitateak egiteko ere".
Nora joan daitezke uribekostarrak?
- Barrikoztarrak: Sopela, Urduliz eta Plentzia.
- Berangoztarrak: Getxo, Erandio, Urduliz eta Sopela.
- Erandioztarrak: Leioa, Barakaldo, Bilbo, Sondika, Loiu, Laukiz, Urduliz, Berango eta Getxo.
- Getxoztarrak: Portugalete, Leioa, Erandio, Berango eta Sopela.
- Gorliztarrak: Plentzia eta Lemoiz.
- Leioaztarrak: Erandio eta Getxo.
- Lemoiztarrak: Bakio, Maruri-Jatabe, Gatika, Plentzia eta Gorliz.
- Plentziarrak: Barrika, Plentzia, Lemoiz eta Gorliz.
- Sopeloztarrak: Getxo, Berango, Urduliz eta Barrika.
- Urduliztarrak: Barrika, Plentzia, Gatika, Laukiz, Erandio, Berango eta Sopela.
