Emakume Langileen Nazioarteko Eguna 2021

Gure baitako mugak hautsi

Durangoko 2019ko Jardunaldi Feministetan argi sentitu genuen, besteak beste, arrazakeriaren aurkakoak ere behar zutela gure aldarri eta jarduera guztiek, feminista eta euskaltzale izateko. Emakume Abertzaleen 2020ko Topaketetan ere horretan aritu ginen buru-belarri, orduko azkura eta deserosotasuna indargarri bihurtuz.

Patriarkatua, kapitalismoa, klasismoa, kontsumismoa... erraietaraino sartuta ditugu, eta zapalkuntza horiek betikotu gura dituen sisteman bizi gara eroso, gutxi-asko. Horregatik, norbanakook eta jendarteak gure baitan arakatu eta «istmo» horien zantzu eta aztarna guztiak aurkitu behar ditugu.

Ariketa deserosoa eta mingarria da, egin beharrekoa, ordea, konturatu eta aitortzea zenbat gauza egin eta esaten ditugun oharkabean; zer dagoen horren guztiaren azpian eta atzean; zertan oinarritzen den Euskal Herri honen, gutako askoren ongizatea; nondik eta zer eginez elikatzen diren hemengo enpresa asko, zenbat jende hiltzen ari den sorterrian, itsasoan, lurraren eta uraren defentsan, batzuen diru-gose ase ezinarengatik; eta zenbat aitzakia bilatzen ditugun denok beste alde batera begiratzeko, gure ardurari muzin egiteko.

Zutabe hau zuretzat, Lolita Chávez Ixcaquic maitea!

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun