Uribe Kostako Gazte Topagunea antolatu du Ernaik

Ernairen mobilizazio bat, artxiboko irudian. © ERNAI

Ernai gazte antolakundeak bere komunitatea eta euskal gazteria biltzeko ekintzak egingo ditu aste-akabuan. COVID-19aren pandemia dela eta, aurten ezin izango da ekimen bateratu bat egin, eta herriz herri egitarauak osatu dituzte "EH! Ez gaude inoren zain. Gazteok independentzia" lelopean. Uribe Kostan, gazte topagunea egingo dute barikuan, apirilaren 2an, 11:00etatik aurrera, Sopelako Ander Deuna ikastolan. Hurrengo egunean, zapatuan, Bizkaiko ekimen nagusia egingo dute: Serantes mendira igoera, Santurtziko Kabiezes plazatik abiatuta.

Apirilaren 2an, barikuan, egun osoko egitaraua antolatu du eskualdeko Ernaik Sopelako Ander Deuna ikastolan. Hitzaldiak, bazkaria, maratoi ekintzailea, ekitaldia eta kontzertuak egongo dira. Pandemia dela eta, edukiera mugatuta egongo da, hala, aldez aurretik izena ematea beharrezkoa izango da @uribekostakoernai (instagram) edo uribekostakoernai@gmail.com helbideetara mezuak bidalita.

 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun