AstraZenecaren txertoa 60 eta 69 urte bitartekoei bakarrik jarriko zaie

Osasun Publikoaren Espainiako batzordeak atzo arrastian eman zuen agindu horren berri. Eusko Jaurlaritzak, bere aldetik, ez daki zer gertatuko den AstraZenecaren bigarren dosia jarri behar zaien pertsonakaz, eta kexu da Sendagaien Europako Agentziaren aholkua ez delako aintzat hartu. Dena dela, jakinarazitakoaren arabera, Osasun Sailak ez die jarriko txerto hori 60 urtetik beherakoei.

Eguen arrastian Espainiako Osasun Publikoko batzordeak zehaztu zuen zein adin tarteko herritarrek jasoko duten hemendik aurrera AstraZeneca txertoa: 60-69 urte bitartekoek, hain zuzen ere. Hala, hasiera batean, 60-65 urte bitartekoen txertaketa amaituko dute, eta, ondoren, 66-69 urte artekoen kanpaina abiatuko dute; kasuotan beste txerto batzuk ere eman ahalko zaizkiela azpimarratu dute.

Lehen dosia jasota duten 60 urtetik beherako herritarren txertaketa-prozesuari dagokionez, ez dute zehaztu zer gertatuko den. Maiatzean inokulatzen hasi beharko lirateke bigarren dosiak, baina oraindino ez dago horren inguruko erabakirik. Bitartean, Eusko Jaurlaritzako Osasun Sailak gogoratu du EAEn emandako AstraZenecako dosietatik "ez dagoela txertoari lotutako larritasuna duten albo-ondoriorik".

Erlazionatuak

Getxo eremu gorritik irten da

Uribe Kosta

Koronabirusak kutsatutako 40 kasu baieztatu dira azkenengo orduetan, aurreko jardunaldian baino 4 gutxiago. Hala, emaitza horiei esker, Getxo eremu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun