Maiatzak 1: Langileen Nazioarteko Eguna

Pentsionisten manifestazioa Bilbon, artxiboko irudian. © Ecuador Etxea

Maiatzaren Lehena, mundu mailan, beren emantzipazioaren alde egindako langile eta herri-borroka oroitzeko eta gogoratzeko data historikoa da. Gaur egun, inoiz baino gehiago, beharrezkoa da borrokan jarraitzea lan-eskubide duinen alde; izaera unibertsal, publiko eta doakoa duten hezkuntza eta osasun publikoaren alde; gizonen eta emakumeen arteko desberdintasunak ezabatzearen alde, edozein dela bere jatorria, pertsona guztien giza eskubideak aitortzearen alde, horren parte garen eta bizia ematen digun natura errespetatzearen alde, demokrazia parte-hartzailearen eta guztien arteko anaitasunezko harreman solidarioetan oinarrituriko herrien subiranotasunaren alde.

Maiatzaren Lehena, sistema kapitalistaren esplotazioaren eta zapalkuntzaren aurka jaio zen mundu osoan, eta sistema kapitalista nagusitzen den bitartean, herri edo herrialde bakoitzeko zein nazioarte mailako langile eta herri-borrokak ezinbestekoa izaten jarraitzen du, are gehiago COVID-19aren pandemiak eta agertu diren britaniar zepa berriek gure bizitzako arlo guztietan sorturiko krisi humanitarioaren aurrean.

Pentsiodun gehienok langile-klasearen eta beste herri-sektore batzuen partaideak gara. Bizi, sufritu eta elkarrekin partekatzen eta borrokatzen dugu gure lan-eskubide eta eskubide sozialen alde eta baita mundu hobearen alde ere. Eta orain, gaurko eta etorkizunerako pentsio publikoak eta duinak bermatuko dituen pentsio-sistema publiko baten aldeko borrokari eusten diogu, kalitateko eta doako osasun publikoaren alde, eta emakumeen diskriminazioaren eta bazterketaren aurkako edo beste edozein eskubide sozial eta demokratiko edo nazional defendatzeko edozein mobilizazio babesten dugu eta gure elkartasuna adierazten diogu.

Horregatik guztiagatik, pentsiodunen mugimendua Maiatzaren Leheneko mobilizazioetan egongo da, eta pentsiodun bakoitzak aitortuago, erosoago edo gusturago dagoen mobilizazioan parte hartuko du.

Erlazionatuak

Aldaketa eskatzeko manifestazioa egingo dute maiatzaren 1ean Urdulizen

Urduliz

Urtero legez, gainean dugu maiatzaren 1a, Langileen Nazioarteko Eguna. Aurtengoa COVID-19aren izurriteak markatutakoa izango da, hala ere, mobiliza...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun