Ibilaldia 2021

Ibilaldiak bideari ekin dio

Aurtengo Euskal Herriko ikastolen jaietako antolatzaileen ordezkariak elkartu dira gaur Ander Deunan.

Aurtengo Ibilaldia ospatzeko astebete falta denean, Leioako Betiko eta Sopelako Ander Deuna ikastolek ospakizun-ekintzak abiatu dituzte gaur. Hala, ikasle ohiek, langileek eta gurasoek euren elkargunea izan dute, eta, beste ikastolen jaialdietako kideekin batera, herri-jolasak egin dituzte giro ederrean.

Leioako Betiko eta Sopelako Ander Deuna ikastolek euren gain hartu dute 2021eko Ibilaldia antolatzeko ardura; hala ere, gaur egungo egoerak baldintzatuta, aurtengoa ezohikoa izango da. Izan ere, Bizkaiko ikastolen aldeko jaia ez da egun bakarreko ospakizunera mugatuko, eta komunitatea indartzeko kultur proiektu osoa izango da. Horretarako, maiatzaren 30ean ospatuko den Ibilaldiaren aurretik, gaur, maiatzaren 22an, ikasle ohiek, gurasoek eta langileek topaketa-eguna izan dute Ander Deunan.

“Elkartu ginen momentutik argi izan genuen aurtengo Ibilaldiak ez ziola egun bakar bati heldu behar, kultura proiektu bati baizik”, azpimarratu du Endika Zinkunegi Zubizarretak, Ander Deuna eskolako guraso eta Kultura Batzordeko kideak. “Hasieratik nahi genuen komunitatea indartzea, eta kultura proiektu bat markatu genuen. Horretarako, hainbat eremuri heldu genion, ikasleei begira, eta gaurko kasuan bezala, 16 eta 18 urtetik gorako jendearentzako elkargune bat sortzea ere erabaki genuen, langile, familia eta herritarrentzako topagune bat sortzeko. Gu elkartzeko, ondo pasatzeko eta harremanak sendotzeko gune bat sortu nahi izan dugu gaur”, azaldu du.

Egunari hasiera emateko, ikastola biak elkartu dituen irrintzi-katea egin dute, Leioatik Sopelara.Ikastetxe bien artean dauden 8,5 kilometroetan 35 taldek osatutako katea egin dute; horietan, pertsona banak irrintzia bota du, beste batek emozioak adierazi dituen bitartean. Ekintza horrekaz, azpimarratu dutenez, ikastolek herriari eta hizkuntzari ematen dietena adierazi gura izan dute.

Ondoren, Ander Deunan batu dira denakherri-jolasen topaketa egiteko. Bertan egon dira ere Euskal Herriko beste lurraldeetako ikastolen jaiak antolatzeaz arduratuko direnzentroetako ordezkariak:Lizarra ikastolako taldea ­–Nafarroa Oinez– etaBeasain, Ordizia eta Lazkaoko ikastoletako kideak –Kilometroak–. Horietaz gainera, Ander Deuna etaBetiko ikastoletako kideek bina talde aurkeztu dituzte lehiara; Herri Urratseko antolatzaileak ere bertaratu behar ziren, baina, baimen kontuengatik, ezin izan dira etorri.Araba Euskarazekoek ere ez du parte hartu oraingoan.

Taldeek herri-jolasetako ohiko frogak egin dituzte: txingak, ingudea, zaku-eroatea, gisa-probak, harri-jasoketa, auzolana, trontza, lokotxak, sokatira, dantza eta bertsoak.Goiz euritsua izan da, baina horrek ez du giro ederra zapuztu, eta alaitasuna izan da nagusi taldekideen artean. Hala, antolatzaileek jakinarazi dutenez, ikastolen hurrengo jaialdietan antzeko ekintzak egingo dituzte lurralde bakoitzeko ordezkariakaz; hurrengoa Laudion izango da, ekainaren 6an. 

Bertsoakaz hasi dituzte jolasak, baita bertsotan horiei amaiera eman ere. Lehia berdintsua izan da, eta, azkenean, Nafarroako eta Gipuzkoako taldeek eskuratu dute lehenengo postua, puntu kopuru beraragaz.

Jolasak amaitu ondoren, denen arteko bazkaria egin dute Sopelako ikastolan, eta, arratsaldean, Garilak 26 musika-taldearen kontzertuagaz egin diote agurra egunari.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun