Gaur, irailaren 17an, LABI Babes Zibilerako Planaren aholku kontseiluak COVID-19aren aurkako osasun-neurriak arintzea erabaki du. Iñigo Urkullu lehendakariak jakinarazi duenez, bihartik aurrera ostalaritza, merkataritza eta kultur jarduerak goizaldeko 03:00ak arte zabal dezakete, orain arte baino ordu bi beranduago. Gainera, lokal horien gehienezko edukiera % 60tik % 75era areagotu dute.
Berritasunen artean, nabarmentzekoa da diskotekak eta gaueko aisialdirako establezimenduak berriro irekitzeko aukera izango dutela; hori bai, edukieraren % 50eko mugarekin.
Gotzone Sagardui Eusko Jaurlaritzako Osasun sailburuak adierazi duenez, datuek hobera egiten ari dira, beraz "trantsizio" egoera bat abiatu dute.
LABIren Aholku Batzordeak gizarte-jarduera normalizatua berreskuratzeko neurri berriak onartu ditu.@GSagardui-k azpimarratu du oinarrizko prebentzio-neurriak mantendu behar direla egoerak hobera egiten jarrai dezan.
— Eusko Jaurlaritza (@Gob_eus) September 17, 2021
https://t.co/ten35jLIso pic.twitter.com/Uvj5hcNmuh
