Gaueko aisialdiak 03:00ak arte zabal dezake bihartik aurrera

Zapatutik aurrera, ostalaritzaren, komertzioen edo kultur jardueren itxiera-ordua atzeratu du LABIk, gaur egindako bileran. Gainera, diskotekek eta gaueko aisialdirako establezimenduek berriro zabaldu ahalko dute.

Gaur, irailaren 17an, LABI Babes Zibilerako Planaren aholku kontseiluak COVID-19aren aurkako osasun-neurriak arintzea erabaki du. Iñigo Urkullu lehendakariak jakinarazi duenez, bihartik aurrera ostalaritza, merkataritza eta kultur jarduerak goizaldeko 03:00ak arte zabal dezakete, orain arte baino ordu bi beranduago. Gainera, lokal horien gehienezko edukiera % 60tik % 75era areagotu dute.

Berritasunen artean, nabarmentzekoa da diskotekak eta gaueko aisialdirako establezimenduak berriro irekitzeko aukera izango dutela; hori bai, edukieraren % 50eko mugarekin.

Gotzone Sagardui Eusko Jaurlaritzako Osasun sailburuak adierazi duenez, datuek hobera egiten ari dira, beraz "trantsizio" egoera bat abiatu dute.

 

Erlazionatuak

Bederatzi positibo atzeman dituzte azkenengo orduetan Uribe Kostan

Aste-akabu osoan, hiru egunean, zazpi positibo atzeman bazituzten ere, atzo, astelehenean, bederatzi izan ziren hautemandako kasuak. Hala ere, azke...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun