Argindarraren prezioaren hazkundeagaz egiten ari diren "lapurreta eta xantaia" salatu dute

Deskonektatu Elektriketatik dinamikaren baitan, itzalaldi zaratatsuak egin zituzten joan den barikuan, hilaren 8an, Uribe Kostako hainbat txokotan. Getxon, halaber, mobilizazio zaratatsuak egin zituzten, baita Iberdrolaren Algortako bulegoaren aurrean salaketa publikoa egin ere. Euskal Herrian, Katalunian eta Galizian egin zituzten protestak, herrialde horietako indar independentistek bultzatuta.

EH Bilduk deitoratu duenez, argindarraren prezioak % 630eko gorakada izan du azken urtean, eta gogoratu du horren atzean prezioak jartzeko sistema dagoela. Hori dela eta, egoera jasanezina dela salatzeko, protestak egin zituzten Euskal Herriko, Kataluniak eta Galiziako hainbat txokotan. Gurean, Uribe Kostan, kazola-jotzeak izan ziren nagusi 22:00etatik 22:30era; Getxon, gainera, mobilizazio zaratatsuak egin zituzten, Algortan eta Itzubaltzeta/Romon.

Algortakoen kasuan, Villamonte plazatik abiatu zuten protestaldia, Basagoiti kalean Iberdrolak duen bulegoaren aurrean salaketa publikoa egin arte. Bertan, besteak beste, Lolita Chavez aktibista guatemalarrak hartu zuen hitza, enpresa elektrikoek hemen lapurtzen ari direla deitoratzeaz gainera, Ameriketan hiltzaileak direla salatzeko.

Erlazionatuak

Argindarraren prezioaren etengabeko igoeraren kontrako protesta egingo dute barikuan

Uribe Kosta

Argindarraren prezioen etengabeko garestitzeari aurre egin guran, itzalaldi masiboak eta kazola-jotzeak egiteko deia egin dute barikurako, hilaren ...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun