EH Bilduk deitoratu duenez, argindarraren prezioak % 630eko gorakada izan du azken urtean, eta gogoratu du horren atzean prezioak jartzeko sistema dagoela. Hori dela eta, egoera jasanezina dela salatzeko, protestak egin zituzten Euskal Herriko, Kataluniak eta Galiziako hainbat txokotan. Gurean, Uribe Kostan, kazola-jotzeak izan ziren nagusi 22:00etatik 22:30era; Getxon, gainera, mobilizazio zaratatsuak egin zituzten, Algortan eta Itzubaltzeta/Romon.
Algortakoen kasuan, Villamonte plazatik abiatu zuten protestaldia, Basagoiti kalean Iberdrolak duen bulegoaren aurrean salaketa publikoa egin arte. Bertan, besteak beste, Lolita Chavez aktibista guatemalarrak hartu zuen hitza, enpresa elektrikoek hemen lapurtzen ari direla deitoratzeaz gainera, Ameriketan hiltzaileak direla salatzeko.
#DeskonektatuElektriketatik "Nuestra fuerza es para la vida, no para las multinacionales" pic.twitter.com/Gabn7e9oZs
— Iker Rincon (@irincon_) October 8, 2021
