Getxon jokatuko dute Bizkaiko Bertsolari Txapelketako azken kanporaketa

Azaroaren 7an, domekan, izango da saioa, Algortako Muxikebarri Antzokian, eta hor zehaztuko dute finalaurrekoetan zeintzuk bertsolarik kantatuko duten. Besteak beste, bertan arituko da Unai Mendiburu Valor algortarra.

Bizkaiko Bertsolari Txapelketaren seigarren eta azken kanporaketa domekan jokatuko da, azaroaren 7an, Getxoko Muxikebarri Antzokian. 17:00etan hasiko da saioa eta, kantuan, hurrengo seikotea ariko da:

  • Enare Mugiategi Etxabe
  • Eneko Aldana Carrasco
  • Josune Aramendi Perez
  • Koldo Muñiz Aldamiz-Etxebarria
  • Malen Amenabar Larragaña
  • Unai Mendiburu Valor

Saioaren irabazlea zuzenean sailkatuko da finalaurrekoetara eta, besteek, puntuazioaren arabera edukiko dute horretarako aukera.

Gai-jartzailea Oier Iturralde Fernandez izango da. Epaimahaiko kideak, ostera, Ainhoa Arregi Elosua, Garazi Mendoza Agirre, Iñaki Aurrekoetxea Arkotxa, Jurgi Fuentes Goikoetxea, Leire Etxebarria Gaztelu eta Mirari Azula Aurrekoetxea. Idazkari beharretan, berriz, Itziar Basterretxea Olarreaga arituko da.

Domekako saioan jakingo dugu zeintzuk izango diren finalaurrekoetan kantatuko duten bertsolariak. Momentuz finalaurrekoetan dauden bertsolariak ikusteko, webgune honetako saioak atala kontsulta dezakezue.

Erlazionatuak

Imanol Uria nagusitu da Elorrioko kanporaketan

Getxo

Elorrioko Arriola Antzokian jokatu zuten zapatuan, urriaren 30ean, Bizkaiko Bertsolari Txapelketako bosgarren kanporaketa. Imanol Uria nagusitu zen...
Uribe Kostako taldea gailendu da Bertsolari Gazteen XXIX. BBK Sariketako lehen kanporaketan

Leioa

Gaur, urriaren 18an, Leioako Betiko ikastolan Uribe Kostako bertsolari gazteen taldeak  Durangaldeko taldeari irabazi dio, BBK Sarien lehen ka...
Getxon hasiko da Bertsolari Txapelketa Nagusiaren 18. edizioa

Getxo

Datorren urteko irailaren 24an, udagoienean, hasiko da Getxon Bertsolari Txapelketa Nagusia. Ibiltaria izango da lehia, eta, Euskal Herri osoa zeha...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun