Bizitzak gainezka egin ez dezan

Bart, Maitanerekin topo egin dut, aspaldiko partez. Esan dit oso nekatuta dabilela. Bere amak dementzia dauka eta, hortaz, umeen zaintzari amaren zaintza gehitu zaio; ezinean dabil. Administrazioari laguntza eskatu dio, baina itxaron zerrendan jarri dute.

Gaizki sentitzen da, bere ustez berak zaindu beharko bailuke ama, inori laguntzarik eskatu gabe; emakume eta alaba txarra sentitzen da. Ez dauka dirurik beste norbait ordaintzeko, amarekin lagun diezaion. Egia esanda, ziurrenik, inork ez genuke diru nahikorik etxeko langileen lana, bere benetako balioaren arabera ordaintzeko. Maitanek badaki eskatu duen laguntza datorrenean ama adinekoen egoitza batera eramango dutela. Gurean, denon beharrarekin eta diru publikoz aberasten diren negozioak dira horiek.

Zer pentsa ematen du egoerak; bizitza sostengatzen duten zaintza-lanak emakumeon esku utzi dituzte: norbere familian, etxeko langile gisa esklabotza erregimenean; eta, enpresa pribatuetan, lan baldintza prekarioen truke.

Denok ari gara aterabide pertsonalak bilatzen, arazo indibidualak bailiran. Baina ondo zaindua izatea, eskubidea beharrean, negozioa izaten jarraituko du, kolektiboki borrokatzen ez garen bitartean. Kalitatezko Zaintza Sistema Publiko eta Komunitario bat exijitzeko ordua da.

Bidali zure iritzi artikuluak hiruka@hiruka.eus helbide elektronikora

HIRUKAk ez du zertan bat etorri artikuluen edukiagaz. Idazkera aldetik gutxieneko zuzentasun bat beharrezkoa da: batetik, HIRUKAk ezin du hartu zuzenketa sakona egiteko lanik; bestetik, egitekotan edukia gura gabe aldatzeko arriskua dago. HIRUKAk azaleko zuzenketak edo moldaketak egingo dizkie artikuluei, hala behar izanez gero.

Erlazionatuak

Zaintza negozio bilakatzen denean

Uribe Kosta

Bizkaian 11.000 plaza inguru daude adineko pertsonen egoitzetan, duela 20 urte halako bi. Hazkunde betean dagoen sektorean negozio-aukera ikusi dut...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun