Aurreko egunetan ere jarduerak egi badituzte ere, kuadrillen goitibehera, adibidez, Itzulbatzeta/Romoko eta Pinuetako jaien hasiera ofiziala atzo izan zen, eguaztenean. Hori iragarrita, hurrengo egunetan musika, tailerrak, dantza, putxerak eta beste hainbat aukera izango dituzte auzo bietako bizilagunek ezin baino hobeto pasatzeko.
Kresala Neska Gazte Feministek irakurritako pregoian azken urteetako izurritearen ondorioz bizitako une gogorrak gogoratu zituzten eta jaiei ongietorria egiteko ordua zela azpimarratu zuten. Horretaz gain, feminismoaren aldeko eta indarkeria matxistaren aurkako borrokaren garrantzia azpimarratu zuten eta aldarrikatu zuten ez daudela prest inolako erasorik onartzeko. "Zure laguna erasotzailea bada eta ez ikusiarena egiten baduzu zu ere konplizea zara, drogak eta isiltasuna ez dira aitzaki", gaineratu zuten.
