Baga-Biga ekoiztetxeagaz argitaratu duten diskoaren bost abestietan taldearen indarra funk, pop eta soul doinuetara eraman dute, eta, nabarmendu dutenez, "musika beltzaren izugarrizko ukituak ditu". Gaineratu dute, aurreko lanakaz konparatuta, "ziaboga handia" eman dutela kantuen garapenari eta itxurari dagokionez. Erabili duten euskarria ere ezohikoa dela azaldu dute, itxuran CD bat izan arren, abestiak QR kodeetan doazelako eta kantu bakoitzari bestelako osagaiak ere erantsi dizkiotelako, hala nola irudiak, elkarrizketak...
Lan honetarako Lide Hernando abeslari eta LIHER taldeko kidearen kolaborazioa ere izan dute, daborduko sareetan dagoen Zapzi Bala abestia osatzeko. Kanta entzungai dago esteka honetan eta Guda Dantza taldearen youtube kanalean ere.
