Kendu zizkiguten eskubide horien guztien ondorioz, gaur egun Hego Euskal Herrian 363.000 emakume nagusi gara, gehien-gehienak diru-sarrera propioak izateko eskubiderik gabe, gizartea gure lanaren onuradun izan denean, eta horrek administrazioei inbertsioak aurreztea ekarri dienean, hala nola haurtzaindegiak, adinekoentzako arreta-zentroak, hau da, zerbitzu publiko gehienak.
Gure ustez, bidegabekeria handi horrek ordaina eskatzen du: pentsio propio bat jasotzea. Gutxienez. Europako Gutun Sozialaren irizpideei jarraiki, pentsio hori 1.260 eurokoa izan beharko luke, 14 hilabeteetan banatua, guztiontzako bizitza duinaren berme izan dadin.
Pentsioetan, kotizazio pekoetan eta kotizazio gabekoetan, gizonen eta emakumeen artean dagoen aldea % 32,5ekoa da eta hau, indarkeria instituzionala, matxista eta patriarkala da.
Egun honetan eta egunero aldarrikatzen dugu osasunez, duintasunez eta askatasun osoz, indarkeriarik gabe bizitzeko dugun eskubidea.
